Umumiy ma’lumot
Konsullik bo’limi O’zbekiston fuqarolari uchun deyarli barcha konsullik xizmatlarini ko’rsatadi va AQSh fuqarolari va boshqa xorijiy mamlakatlar fuqarolariga vizalar berish bilan shug’ullanadi.
O’zbekiston Respublikasining Amerika Qo’shma Shtatlaridagi elchixonasining konsullik bo’limi AQShning quyidagi shtatlarida yashovchi fuqarolarga konsullik xizmatlarini ko’rsatadi: Alabama, Arkanzas, Kolorado, Delaver, Vashington shahar, Florida, Jorjiya, Kentukki, Luiziana, Merilend, Missisipi, Shimoliy Karolina, Oklaxoma, Janubiy Karolina, Tennessee, Texas, Virjiniya, West Virginia. Shuningdek, Braziliya Federativ Respublikasi, Kanada, Kubada yashovchi fuqarolarga konsullik xizmatlarini amalga oshiriladi.
Aloqa uchun ma’lumot:
1746 Massachusetts Avenue, NW
Washington, DC 20036
Tel: (202) 887-5300 (ext. 1)
Fax: (202) 293-9633
Fax: (202) 293-6804
E-mail: consul.washington@mfa.uz
Konsullik xodimining «Telegram» manzili: @ElchixonaUz
Veb-sahifa: www.uzbekistan.org
Konsullik xodimining mobil telefoni: +1 (202) 251-8298.
Konsullik bo’limida fuqarolarni qabul qilish kunlari va vaqti: dushanbadan jumagacha soat 09.00 dan 13.00 gacha (Sharqiy vaqt).
Elchixona konsullik xodimi: Muminov Faxriddin Tojiyevich
O’zbekiston Respublikasining Amerika Qo’shma Shtatlaridagi Elchisining fuqarolarni qabul qilish kunlari va vaqti: juma kuni soat 11.00 dan 12.00 gacha (murojaat etuvchining Elchi bilan uchrashish kuni va savollari avvaldan kelishilishi lozim).
O’zbekiston Respublikasining AQShdagi Favqulodda va Muxtor Elchisi: Vaxabov Javlon Abdujalolovich
Konsullik bo‘limi xodimlari (202) 530-7291 telefon raqami orqali soat 09.00 dan 13.00 gacha telefon qo’ng’iroqlariga javob beradi.
HUJJATLARNI POCHTA XIZMATLARI ORQALI YUBORISH TARTIBI.
Hujjatlar pochta orqali yuborilgan holda Konsullik bo’limi tomonidan rasmiylashtirilgan hujjatlarni arizachiga qaytarish uchun qabul qiluvchi (Recipient)ning familyasi, ismi, manzili, telefon raqami ko’rsatilgan va oldindan puli to’langan bar kodli etiket – Shipping Label va marka yopishtirilgan convert yuborishingizni so’raymiz. Buning uchun USPS pochta xizmatidan foydalanishni tavsiya qilamiz.
Agar USPS pochta xizmatidan foydalanishning imkoni bo’lmasa, FedEx pochta xizmatidan quyidagi muhim shartlar asosida foydalanishingiz mumkin, ya’ni, agar FedEx pochta xizmatidan foydalansangiz – qabul qiluvchi (Recipient)ning familyasi, ismi, manzili, telefon raqami, amaldagi kredit karta yoki FedExdagi akkaunt raqami ko’rsatilgan va oldindan puli to’langan, bar kodli Shipping Label yopishtirilgan pochta konverti taqdim etilishi va unda Yuboruvchi (Sender) sifatida ham qabul qiluvchining manzili kursatilishi shart (Elchixonaning nomi yoki manzili hech qaerda kursatilmasligi lozim, agar yuboruvchi sifatida elchixona ko’rsatilsa, hujjat egasiga qaytarilmaydi).
Ba’zi pochta xizmatlarining etiket (Shipping Label)ning amal qilish muddati 3 oydan so’ng tugashi va Elchixona Konsullik bo’limi tomonidan rasmiylashtiriladigan ba’zi hujjatlar (hujjatlarni O’zbekistondan talab qilib olish, passport)ning muddati 3 oydan oshib ketishini ham inobatga olishingizni so’raymiz. Bunday hollarda hujjatlarni yuborish masalasini pochta xizmati va Konsullik bo’limi bilan oldindan kelishib olishingizni so’raymiz.
DHL, UPS, Expresspost kabi boshqa pochta xizmatlari orqali Elchixonaga yuborilgan konvertlar egasiga qaytarilmaydi.
Elchixona pochta orqali yuborilgan hujjatlarning yo’qolganligi uchun javobgarlikni o’z zimmasiga olmaydi.
Elchixona manzili: Consular Section of the Embassy of Uzbekistan to the USA, 1746 Massachusetts Avenue, N.W. Washington DC, Zip-20036
Yuqorida ko’rsatilmagan boshqa shtatlarda yashovchi fuqarolarning O’zbekiston Respublikasining Nyu-Yorkdagi Bosh konsulxonasiga murojaat qilishini so’raymiz.
O’zbekiston Respublikasining Nyu-York shahridagi Bosh konsulxonasi bilan bog’lanish uchun ma’lumotlar:
801 Second Ave, 20th Floor,
New York, NY 10017 (Manhattan, the intersection of Second Ave and 43rd Street).
Tel: (212) 754-7403 ext. 107, 109
Tel: (212) 754-7168 ext. 107, 109
VEB-SAYT: WWW.UZBEKCONSULNY.ORG
TELEFON: (347) 217-4406 (FAQAT FAVQULODDA QO’NG’IROQLAR UCHUN)
Telefon: (917) 539-4664 (faqat favqulodda qo’ng’iroqlar uchun)
Konsullik bo‘limida O‘zbekiston Respublikasi va AQShning milly bayramlari kunlari fuqarolarni qabul qilish amalga oshirilmaydi.